Yn Dod Yn Fuan
Mae cronfa grant newydd ar y gweill i gefnogi eich cynlluniau i uwchraddio neu wella eich defnydd o systemau di-wifr uwch.
Mae technolegau diwifr uwch yn darparu cysylltedd cyflymach, mwy dibynadwy a mwy diogel.
Yn y cyd-destun hwn, mae technolegau di-wifr uwch yn cwmpasu'r amrediad llawn o dechnoleg di-wifr a ddefnyddir mewn gwasanaethau cyfathrebu. Er y bydd 5G yn un o’n prif faesydd ffocws, rydym yn cydnabod rôl bwysig technolegau fel Wi-Fi, cyfathrebu lloeren, rhwydweithiau preifat a rhwydweithiau helaeth is-bŵer.
Ni fydd buddsoddiad yn cael ei gyfyngu i dechnoleg neu ddiwydiant penodol. Yn hytrach, bydd y gefnogaeth yn galluogi amrywiaeth eang o achosion defnydd ar draws sawl sector.
Bydd mwy o fanylion am dechnolegau di-wifr uwch cymwys yn cael eu cyhoeddi yn ein dogfennau Canllaw sy'n dod yn fuan.
Y Cynnig Cyllid
Bydd cyfanswm o £18.8m o arian cyfalaf ar gael drwy'r cynllun hwn. Bydd busnesau a sefydliadau sector cyhoeddus sy'n seiliedig yng Ngogledd Cymru yn cael eu gwahodd i wneud cais am grantiau, gydag isafswm o tua £20,000 ar gyfer bob sefydliad.
Gallwn gyllido 50% o gostau prosiect cymwys, sy'n golygu bod yn rhaid i ymgeisiwr ddarparu'r 50% cyllid cyfatebol sy'n weddill.
Bydd y grantiau'n cael eu dyfarnu ar sail pwy sy'n cwrdd â'r meini prawf gyntaf ac gellir eu defnyddio i fuddsoddi mewn technolegau di-wifr datblygedig a all ddod â manteision ariannol, cynhyrchiant neu effeithlonrwydd.
Nod y cynllun grant yw cyflawni'r canlyniadau isod:
- Creu rhwng 120-200 o swyddi newydd yng Ngogledd Cymru
- Cynhyrchu £41m–£62m mewn gwerth ychwanegol gros net (GVA) trwy'r prosiect
- Annog buddsoddiad ychwanegol i'r rhanbarth
Beth y Gallwch Ddisgwyl
Bydd y cynllun grant yn cael ei strwythuro mewn dau gam gyda rowndiau cyllido:
- Mynegi Diddordeb (EOI)
- Cais Llawn
Y peth pwysicaf am eich EOI yw dangos sut fydd eich prosiect yn cwrdd â'r canlyniadau uchod, y gwahaniaeth a wnaiff i'ch sefydliad, a pha mor barod yw i symud i'r cais llawn.
Os hoffech gael rhagor o wybodaeth, mae croeso i chi gysylltu â thîm ANW ar - digidol@uchelgaisgogledd.cymru