Cysylltedd Digidol Gwledig

Busnes caffi a bwyty yw Lakeside Café, sy’n cael ei reoli gan Mari Rees-Stavros. Mae’r caffi wedi’i leoli yn ngwaelodion y Moelwynion. Oherwydd ei leoliad ym Mharc Cenedlaethol Eryri, mae’r caffi’n leoliad poblogaidd i dwristiaid, yn arbennig i ddringwyr, mynyddwyr, a beicwyr. Mae cwsmeriaid lleol sy’n dod yn gyson i’r caffi, ond yn yr haf, mae’r busnes yn bennaf yn gwasanaethu cwsmeriaid o du allan i’r ardal.

Gwasanaeth radio gymunedol o Langefni yw MônFM sy’n gwasanaethu Sir Fôn, Gwynedd, ac ardaloedd eraill yng ngogledd-orllewin Cymru. Yn gynnar yn 2023, roeddent yn cynnal menter darllediad cymunedol sy’n cynnwys darlledu byw o ddigwyddiadau lleol. Erbyn mis Medi 2023, roedd MônFM wedi rhoi sylw i dros 30 digwyddiad yn cynnwys gemau pêl-droed, sioeau amaethyddol, eisteddfodau, gwyliau pentref, ac ati. I wneud hyn, roedd MônFM yn defnyddio fan darlledu allanol oedd yn cysylltu yn ôl â’r stiwdio yn Llangefni.

Ffotograffydd a dylunydd graffeg o Ynys Môn yw Mel Parry, a’i fusnes yn tua 75% o ffotograffiaeth a 25% dylunio graffig. Mae’n cynnwys amrywiaeth o wasanaethau ffotograffiaeth gan cynnwys priodasau a digwyddiadau yn yr ardal. 

Mae Gareth yn berson sy’n gweithio o gartref.  Roedd yn arfer bob yn gwsmer ITS a oedd yn cynnig cyflymder lawrlwytho o hyd at 10MBPS, er mai 5 – 8MBPS oedd yn arferol. Roedd yn bosib talu mwy i gael cyflymder cyflymach, ond mae’n teimlo fod y pris yn afresymol o ddrud.

Mae Ian yn cynrychioli wyth eiddo sy’n ffurfio Partneriaeth Ffibr Llandegla. O’r wyth eiddo yn y Bartneriaeth hon, mae dau yn aelwydydd preifat a’r gweddill yn fusnesau.  Mae Ian ei hyn yn defnyddio’r rhyngrwyd am lu o resymau, gan gynnwys ysgrifennu e-byst, gwneud ymchwil, prynu nwyddau ar-lein, a rheoli ei wyfan. Ar ben hynny, mae gan eich ferch fusnes ar-lein hefyd.

Mae Seb yn berson ifanc sydd wedi astudio seiberddiogelwch yn y brifysgol ac yn rhedeg gweinydd ar Discord sy’n darparu cymorth technegol ar gyfer materion sy’n ymwneud a sain. Mae’r rhyngrwyd yn arf hanfodol iddo yn ei fywyd bob dydd; mae’n ei ddefnyddio i gyfathrebu a’i gyfoedion sy’n byw y tu allan i'r wlad, chwarau gemau ar-lein, ac ychwanegu at ei incwm trwy fasnach stociau crypto.  Yn y dyfodol agos, hoffai hefyd ddechrau ffrydio byw at Twich.