Fe wnaeth adolygiad o brosiectau Cynllun Twf Gogledd Cymru gan Uchelgais Gogledd Cymru ryddhau cyllid cychwynnol o £51m. Dilynwyd hyn gan broses mynegi diddordeb lle cyflwynodd ein partneriaid eu cynigion sector cyhoeddus a phreifat.

Mae'r prosiectau a oedd yn gryf o ran effaith, gallu i gyflawni, ac yn cyd-fynd â nodau'r Cynllun Twf, wedi'u rhoi ar Restr Wrth Gefn. Maen nhw nawr yn cael y cyfle i fidio am ran o gyllid y Cynllun Twf sydd heb ei ddyrannu yn y dyfodol.

Nod hyn yw cyflymu twf rhanbarthol drwy gyflawni prosiectau economaidd cynaliadwy ledled y Gogledd, a fydd yn creu swyddi ac yn bodloni ymrwymiadau amgylcheddol. 

Mae'r prosiectau sydd ar y rhestr wrth gefn isod:

Adventure Parc Snowdonia

Darparu profiad newydd i ymwelwyr o arwyddocâd cenedlaethol ar safle hen gyfleuster Adventure Parc Snowdonia.

Hwb Iechyd Bangor

Datblygu Hwb Iechyd a Lles integredig mewn hen ganolfan siopa wag yng nghanol dinas Bangor.

Cronfa Arloesi a Thwf

Cefnogi busnesau'r Gogledd ym maes bwyd-amaeth, twristiaeth, a gweithgynhyrchu gwerth uchel i hybu arloesedd, mabwysiadu technoleg newydd, a thyfu cystadleurwydd rhanbarthol.

Stiwdios Kinmel

Prosiect i gefnogi'r diwydiant ffilm a theledu yng Ngogledd Cymru. 

NEW-H2

Bydd y prosiect hwn yn helpu i roi hwb i'r economi hydrogen yn y Gogledd drwy gefnogi a darparu hwb hydrogen i gynnwys cyflenwi a defnyddio hydrogen.

Cronfa Eiddo

Grant Datblygu Eiddo Masnachol i gau bylchau hyfywedd ar gyfer datblygwyr eiddo diwydiannol a swyddfeydd o'r sector preifat, gyda chyllid hefyd ar gael ar gyfer datblygiadau tebyg yn y sector cyhoeddus ar sail Cytundeb Cyd-fenter.

Quarry Battery

Cynllun hybrid BESS/Hydro Storfa Bwmpio gwerth £300m yng ngogledd Cymru. 

Datblygiad Gwesty Queen's Market

Darparu gwesty canolig o ran maint a graddfa - rhan allweddol o uwchgynllun ehangach sy'n cael ei ddatblygu ar gyfer yr ardal ar hyn o bryd.

⁠Parc Busnes Llanelwy - Llety Symud Ymlaen ⁠

Datblygu unedau diwydiannol uwch-dechnoleg ym Mharc Busnes Llanelwy. 

Canolfan Arloesi, Busnes a Sgiliau Trawsfynydd

Cynllun a fydd yn cynnwys adeilad i gynnwys mannau ar gyfer swyddfeydd, labordai (union fanyleb i'w chadarnhau) a chyfleusterau ategol (lle cyfarfod, caffi/ffreutur ac ati), i gefnogi'r diwydiant niwclear ac ynni carbon isel ynghyd â'r gymuned wyddonol, wedi'i leoli ar Safle Trawsfynydd. 

Porth Wrecsam 2

Mynd i'r afael â hyfywedd a chefnogi cyflawni prosiect Porth Wrecsam sy'n esblygu.

Porth Caergybi

Bwriad y prosiect hwn yn gwella capasiti'r porthladd trwy adfer tir (creu tir newydd o'r môr) yn yr harbwr. Wrth wneud hyn, y nod yw sicrhau bod y porthladd yn gallu cwrdd â gofynion cynyddol ymweliadau busnes a thwristiaeth. Mae'r porthladd yn un o'r llwybrau trafnidiaeth prysuraf rhwng y DU ac Iwerddon. Fel ail borthladd prysuraf y DU mae'n gyswllt trafnidiaeth pwysig rhwng y ddwy wlad.

Porth y Gorllewin

Bydd y prosiect hwn yn darparu gwasanaethau sylfaenol fel pŵer, telegyfathrebu a dŵr ar gyfer datblygu adeiladau cyflogaeth a busnes. Wrth wneud hyn, y nod yw denu buddsoddiad sector preifat, darparu cyfleoedd i fusnesau adleoli, ehangu a chreu swyddi newydd. Mae’r safle ger Cyffordd 4 yr A483, Parc Technoleg Wrecsam ac Ysbyty Maelor, Wrecsam.