Mae Dave Penrith a Nick Bennett wedi’u penodi’n Ymgynghorwyr Anweithredol i Uchelgais Gogledd Cymru. 

Gyda’i gilydd, maent yn dod â chyfoeth o arbenigedd diwydiannol ym maes prosiectau cyfalaf, llywodraethu, peirianneg, trawsnewid digidol a datblygu economaidd i helpu hyrwyddo twf cynaliadwy a denu buddsoddiad i’r rhanbarth. 

Byddant yn chwarae rolau blaenllaw fel Cadeirydd ac Is-Gadeirydd wrth ffurfio Bwrdd Busnes Ymgynghorol newydd, a fydd yn cynrychioli busnesau a chyflogwyr ledled Gogledd Cymru. Unwaith y bydd wedi’i sefydlu, prif bwrpas y Bwrdd fydd darparu cyngor annibynnol a her adeiladol i Uchelgais Gogledd Cymru.

Cadeirydd ac Is-Gadeirydd

  • Dave Penrith Darllen mwy
    Dave Penrith Cadeirydd, Bwrdd Busnes Ymgynghorol
  • Nick Bennett Darllen mwy
    Nick Bennett Is-Gadeirydd, Bwrdd Busnes Ymgynghorol
Dave Penrith
Dave Penrith Cadeirydd, Bwrdd Busnes Ymgynghorol

Fel cyn Prif Beiriannydd Byd-eang yn Unilever, mae gan Dave Penrith dros 40 mlynedd o brofiad fel peiriannydd ac ym maes trawsnewid digidol. Mae wedi arwain mentrau Diwydiant 4.0, goruchwylio gweithrediad byd-eang technoleg gefeilliaid digidol mewn gweithgynhyrchu, ac wedi datblygu systemau sydd yn cael eu pweru gan AI i wella effeithlonrwydd cadwyni cyflenwi. Bu hefyd yn chwarae rhan allweddol yn yr ‘UK Ventilator Challenge’ yn ystod pandemig COVID ac erbyn hyn mae’n cynghori sefydliadau ar drawsnewid a phrosiectau cyfalaf.

Nick Bennett
Nick Bennett Is-Gadeirydd, Bwrdd Busnes Ymgynghorol

Mae Nick Bennett, sy’n Gyfarwyddwr Cynghori Strategol yn Savills ar hyn o bryd, yn dod â chyfoeth o brofiad ym maes polisi cyhoeddus a datblygu economaidd ar draws y sectorau preifat, cyhoeddus, a dielw. Bu’n Ombwdsmon Gwasanaethau Cyhoeddus Cymru, prif weithredwr Cartrefi Cymunedol Cymru, ac yn gynghorydd arbennig i Lywodraeth Cymru. Yn ei rôl bresennol, mae Nick wedi arwain mentrau adfywio sylweddol ledled Gogledd Cymru ac wedi cynghori ar strategaethau mewnfuddsoddi.