Bob blwyddyn mae Uchelgais Gogledd Cymru yn dewis elusen y flwyddyn. Eleni, 2026, ein helusen ddewisol yw Hosbis Dewi Sant.
Mae’r elusen yn darparu gofal lliniarol arbenigol, o ansawdd uchel, i gleifion â salwch sy’n cyfyngu ar fywyd. Gan weithredu 24/7, mae’n cynnig gofal cleifion mewnol, gwasanaethau hosbis yn y cartref, therapi dydd, a chymorth profedigaeth i gleifion a’u teuluoedd.
Byddwn yn cefnogi tîm ymroddedig yr elusen gyda'u gweithgareddau codi arian. Mae’r cydweithio yn adlewyrchu ein hymrwymiad i gyfrannu, nid yn unig at les economaidd y rhanbarth, ond hefyd at les ei chymunedau.