Safleoedd a Choridorau Allweddol Cysylltiedig (4G+)
Bydd y prosiect hwn yn gwella cysylltedd symudol 4G mewn safleoedd economaidd allweddol ar draws y rhanbarth, gan dargedu llwybrau trafnidiaeth, canolfannau busnes a thwristiaeth, wrth gefnogi ymhellach y gwaith o gyflwyno darpariaeth rhwydwaith 5G yn yr ardaloedd hyn.
Mae’r prosiect yn dod â sefydliadau’r sector cyhoeddus a’r diwydiant telathrebu ynghyd er mwyn cyflymu’r gwaith o ddarparu seilwaith symudol newydd. Drwy Fforwm Cysylltedd Digidol Gogledd Cymru, mae’n helpu i leihau rhwystrau, gwella cydlynu, a denu buddsoddiad i rwydweithiau digidol y rhanbarth.
Mae’r Prosiect 4G+ hefyd yn cefnogi’r gwaith o gyflwyno seilwaith mewn lleoliadau blaenoriaeth. Mae hyn yn cynnwys galluogi sefydliadau’r sector cyhoeddus i sicrhau bod eu hasedau ar gael ar gyfer defnyddio seilwaith symudol drwy sefydlu Cytundebau Mynediad Agored, a darparu cynlluniau grant sector cyhoeddus a diwydiant i ariannu uwchraddio a defnyddio seilwaith 4G a 5G.
Gyda’i gilydd, bydd y mesurau hyn yn gwella darpariaeth a dibynadwyedd mewn lleoliadau allweddol, gan helpu Gogledd Cymru i fod yn fwy cysylltiedig a chystadleuol, cefnogi twf economaidd a datgloi cyfleoedd newydd. Bydd y Prosiect 4G+ yn cael ei gwblhau erbyn mis Ionawr 2030.
Prif Noddwr:
Targedau Buddsoddi
£6.17m
Cynllun Twf£0m
Sector Cyhoeddus Arall£2m
Sector Breifat£8.17m
Cyfanswm BuddsoddiadPa gam mae'r prosiect 4G+ wedi cyrraedd?
Bydd y prosiect hwn yn gwella cysylltedd symudol 4G mewn safleoedd economaidd allweddol yn y rhanbarth, gan dargedu llwybrau trafnidiaeth, hwbiau busnes a thwristiaeth wrth gefnogi defnydd pellach o rwydwaith 5G yn yr ardaloedd hyn.
Cam cynllunio'r cynnig gwariant. Asesu cyd-destun strategol y prosiect a dangos sut mae'n darparu synergedd â phrosiectau eraill yn y portffolio.
Cwblhau
Cam cwmpasu'r prosiect. Cyflwyno’r achos dros newid a nodi'r ffordd orau ymlaen.
Cwblhau
Y cam cynllunio ar gyfer y prosiect. Nodi'r opsiynau sy'n cynnig gwerth am arian, cadarnhau fforddiadwyedd y prosiect a phenderfynu ar y trefniadau ar gyfer cyflawni'r prosiect yn llwyddiannus.
Cwblhau
Cyflwyno’r Achos Busnes Amlinellol i'r Is-Bwyllgor Lles Economaidd i'w gymeradwyo. Pan gymeradwyir gall cam caffael y prosiect ddechrau.
Cwblhau
Cam caffael y prosiect. Cofnodi canfyddiadau'r caffaeliad, nodi'r opsiwn sy'n darparu'r gwerth cyhoeddus gorau a chadarnhau'r trefniadau rheoli ar gyfer cyflwyno, monitro a gwerthuso'r prosiect.
Cwblhau
Cyflwyno’r Achos Busnes Llawn i'r Is-Bwyllgor Lles Economaidd i'w gymeradwyo. Pan gymeradwyir gall cam gweithredu'r prosiect ddechrau.
Cwblhau
Cam gweithredu'r prosiect. Defnyddir yr Achos Busnes Llawn fel pwynt cyfeirio at gyflawni'r prosiect a monitro cynnydd.
Ar y Gweill
Cam gweithredu ar ôl prosiect. Asesu pa mor dda y cyflawnwyd y prosiect a'r gwersi a ddysgwyd. Defnyddir yr Achos Busnes Llawn i bennu i ba raddau y cafodd y buddion disgwyliedig eu cyflawni a'u gwireddu.
Newyddion ac Erthyglau Cysylltiedig
Prif Aelodau
-
Niall Waller Rheolwr Gwasanaeth - Menter ac Adfywio, Cyngor Sir y Fflint
-
Stuart Whitfield Rheolwr Rhaglen Ddigidol
-
Rebecca Reay Rheolwr Prosiect Cysylltedd Digidol
Fy Swydd:
- Yn gyfrifol am gydlynu prosiectau’r Rhaglen yn llwyddiannus a rheoli eu cyd-ddibyniaethau
- Arwain a rheoli datblygiad a chyflawni'r Rhaglen, gan nodi themâu ac ymyriadau trawsbynciol strategol allweddol
- Yn gyfrifol am gyflawni newid, cynnal ffocws a momentwm ar draws y Rhaglen
