Mae'r Cynllun Twf yn gytundeb a fydd yn cynhyrchu cyfanswm buddsoddiad o dros £1 biliwn ar gyfer Gogledd Cymru er mwyn cynhyrchu dros 4000 o swyddi newydd a chynyddu GVA o £2.4 biliwn.

Wedi'i lofnodi ym mis Rhagfyr 2020, mae'r cytundeb yn sicrhau cyllid o £120 miliwn gan Lywodraeth Cymru a £120 miliwn gan Lywodraeth y DU i fuddsoddi ym mhortffolio prosiect y Cynllun Twf.

Bydd cyllid y Llywodraeth yn cael ei dderbyn yn flynyddol dros y 15 mlynedd nesaf (erbyn 2036) wrth i brosiectau gael cymeradwyaeth Achos Busnes Llawn. Bydd y sector preifat a chyhoeddus yn cydweithio i ddenu cyllid ychwanegol a fydd yn gwneud cyfanswm o £1 biliwn.

Drwy gyflwyno pum rhaglen y Cynllun Twf erbyn 2036, bydd ein porftolio yn: ​

  • adeiladu ar ein cryfderau rhanbarthol ym maes gweithgynhyrchu ac ynni carbon isel

  • targedu arloesedd digidol a seilwaith i gysylltu'r rhanbarth yn well

  • buddsoddi mewn safleoedd ac adeiladau allweddol ar gyfer y farchnad datblygwyr

  • galluogi arloesi i hybu cynhyrchiant

  • cefnogi ein diwydiannau allweddol mewn twristiaeth ac amaethyddiaeth i ddatblygu ar gyfer y dyfodol

Nod

  • Adeiladu economi fwy bywiog, cynaliadwy a gwydn yng Ngogledd Cymru.
  • Adeiladu ar ein cryfderau, hybu cynhyrchiant wrth fynd i'r afael â heriau tymor hir a rhwystrau economaidd i sicrhau twf cynhwysol.
  • Hyrwyddo twf mewn modd graddadwy, cynhwysol a chynaliadwy, yn unol â Deddf Llesiant Cenedlaethau'r Dyfodol (Cymru) 2015.

Budd

  • Twf mewn ffyniant rhanbarthol: gwella cynhyrchedd, mewnfuddsoddiad a chreu swyddi newydd.
  • Creu swyddi gwell: trwy ymyraethau wedi ei dargedu mewn sectorau gwerth uchel.
  • Gweithlu mwy medrus: drwy gefnogi sgiliau a mentrau hyfforddi ac ymyraethau sy'n targedu sectorau gwerth uchel.
  • Gwella safon byw: twf cynhwysol sy'n darparu cyfleoedd, yn lleihau tlodi, anghydraddoldeb ac amddifadedd.

Amcanion

4,200

o swyddi newydd

£2.4bn

o GVA ychwanegol net

Targedau Buddsoddiad

£240m

Llywodraethau

£179m

Sector Cyhoeddus Arall

£721m

Sector Breifat

>£1bn

Cyfanswm Buddsoddiad

Rhaglenni

Mae rhaglenni'r Cynllun Twf wedi'u datblygu mewn ymateb i heriau'r rhanbarth, drwy ddatgloi cyfleoedd ac adeiladu ar ein cryfderau. Maent yn cyd-fynd â'n uchelgais i Ogledd Cymru.

Bwyd-amaeth a Thwristiaeth

Bydd y rhaglen yn hyrwyddo ac yn cefnogi cyflogaeth a hyfforddiant yn y sectorau Bwyd-amaeth a Thwristiaeth, gan adeiladu ar sgiliau ac arbenigedd sydd eisoes wedi'u sefydlu yn y rhanbarth. Bydd y rhaglen yn manteisio ar ein tirwedd amrywiol a thrawiadol gan gynyddu cyfleoedd cynaliadwy.


O'i datblygu'n llwyddiannus, bydd y rhaglen yn gwneud y gorau o hyrwyddo arloesedd ac yn creu cyfleoedd am swyddi ac hyfforddiant. Bydd yn darparu cyfleusterau sy’n sicrhau safle cynaliadwy a chystadleuol yn fyd-eang i’r rhanbarth

Mwy
Cysylltedd Digidol

Bydd y rhaglen hon yn mynd i'r afael â heriau cysylltedd yng Ngogledd Cymru. Mae sawl cymuned yn dioddef o gysylltedd band eang symudol a sefydlog gwael, tra bod gweddill y DU wedi elwa o well wasanaeth yn ystod y blynyddoedd diwethaf. Bydd y rhaglen hon yn gwella ein gallu i ddatblygu technolegau ar gyfer y dyfodol, gan sicrhau ein bod yn gallu cwrdd a'r galw cynyddol am wasanaethau digidol a manteisio ar gysylltedd cyflym, ansawdd uchel.

Bydd y rhaglen yn cyflwyno cysylltedd cynaliadwy i'r rhanbarth, yn denu buddsoddiad mewnol ac yn gwella'r gwasanaeth i drigolion a busnesau.

Darganfyddwch ragor o wybodaeth am wella seilwaith digidol yma.

Mwy
Arloesi mewn Gweithgynhyrchu Uwch

Bydd y rhaglen hon yn hyrwyddo arloesedd a masnacheiddio technoleg yn y diwydiant gweithgynhyrchu, gan adeiladu ar gryfder presennol y sector yn ein rhanbarth.

Wrth wneud hynny, bydd y rhaglen yn sicrhau cyfleoedd cyflogaeth a hyfforddiant gwerth uchel ac yn cefnogi busnesau gweithgynhyrchu i ddatgarboneiddio yn unol ag ymdrechion cenedlaethol a byd-eang.

Mwy
Tir ac Eiddo

Bydd y rhaglen hon yn mynd i'r afael â heriau tir ac eiddo yn y rhanbarth, yn gwireddu cyfleoedd ac yn adeiladu ar ein cryfderau.

Trwy fynd i’r afael â’r heriau sy’n wynebu’r farchnad eiddo yng Ngogledd Cymru, bydd y rhaglen yn datblygu safleoedd ar gyfer adeiladau preswyl a chyflogaeth. Bydd hefyd yn cynyddu capasiti mewn cysylltiadau trafnidiaeth allweddol.

Mwy
Ynni Carbon Isel

Bydd y rhaglen yma'n sicrhau y budd o ddatblygu prosiectau ynni carbon isel yn y rhanbarth, gan gryfhau safle Gogledd Cymru fel lleoliad blaengar ar gyfer y sector ynni carbon isel.

Mae nodweddion unigryw ac adnoddau naturiol Gogledd Cymru yn golygu bod potensial yma i ddatblygu prosiectau sy’n creu swyddi newydd, yn lleihau allyriadau carbon ac yn cyfrannu at gyflawni sero-net erbyn 2050.

Mwy

Ariennir £240m o Fuddsoddiad Cynllun Twf gan